Enquisa HostaleríaDigna

Laboral

Novas de caracter laboral

A CNT inicia conflicto con AUTOCARES SERÉN

  • A empresa incumple practicamente todas as disposicións do convenio colectivo
  • Os incumprimentos da empresa e as deficiencias en materia de seguridade poñen en perigo a vida do persoal

A empresa de transporte de viaxeiros Autocares Serén vén de ser demandada pola CNT ante os incumprimentos en material laboral e de seguridade por parte da empresa e ante a falta de interese por parte da empresa para solucionalas.

Desde a CNT puxéronse en marcha unha serie de reclamacións por vía sindical que incluían o respeto da xornada laboral e dos descansos mínimos semanais e entre xornadas; o pagamento das retribucións salariais que se consignan no convenio colectivo e a adopción das medidas necesarias para protexer a integridade física do persoal ante incumprimentos de aspectos como o tempo máximo de condución.

A CNT demanda a INTERCENTROS BALLESOL por cantidades e por despedimento

  • O despedimento prodúcese despois de que o traballador reclamase a indefinición do seu contrato

  • A CNT presenta tamén unha demanda de cantidades por outras débedas económicas

 

A CNT interpón dúas demandas contra a empresa Intercentros Ballesol SA, empresa que xestiona un grupo de residencias de maiores presente en todo o Estado.

 O traballador despedido foi contratado cun contrato temporal de tres meses sen causa que o xustificase, polo que desde a CNT «se procedeu a reclamar o carácter indefinido da relación laboral», toda vez que, segundo a central anarcosindicalista «un contrato de tres meses de duración para cubrir un posto permanente na empresa non parece que teña outra finalidade máis alá de alongar o periodo de proba e xogar co medo a non ser renovado como coacción para manter unhas condicións laborais precarias».

A CNT lanza unha campaña pola Hostalería Digna

 

  • A CNT presenta unha campaña de información e concienciación pola Hostalería Digna.
  • No marco da campaña, realizaránse dous actos públicos: a presentación do libro de Patricia Janeiro "Manual Básico de Hostalería" e a charla de Carlos Criado sobre os efectos nocivos do turismo masivo en Compostela.
  • Se traballas ou traballaches na Hostalería recentemente, invitámoste a cubrir a nosa enquisa de forma anónima.

  A hostalería na cidade Compostela, vinculada fortemente ao turismo e ao ocio do estudantado, é un sector que xera unha enorme cantidade de diñeiro, pero tamén que as condicións laborais nos pubs, bares, restaurantes e hoteis son das máis precarias da cidade.

 O deseño da cidade como receptor permanente de turismo, a declaración de patrimonio da humanidade, as festas e o ocio universitario xeran un enorme beneficio para as empresas, pero isto non redunda na mellora da situación das condicións laborais. Xornadas de até 60 horas semanais, impago de horas extraordinarias ou nocturnas, descansos insuficientes, ausencia de vacacións, contratos realizados por tempo de traballo ou en categorías inferiores aos realmente realizados, falta de cotización á Seguridade Social, despedimentos fulminantes... estes son apenas parte dos abusos cotiáns que se sofren na hostalería.

 A pesar de que a precariedade está tan normalizada no sector, o convenio colectivo recolle unha serie de dereitos que moitas veces non son coñecidos polos traballadores e as traballadora da Hostalería. Este descoñecemento e a falta de organización provocan que poidan perpetrarse estes abusos e que sexa moi difícil mellorar as condicións laborais do sector.

 Desde a CNT poñemos en marcha una campaña de información sobre que dereitos temos, e de asesoramento sobre a forma de actuar e organizarse para defendelos e amplialos.

II Xornada de loita estatal contra as listas de espera na sanidade

CONCENTRACIÓNS XOVES 24 MAIO

  • OURENSE 12h30 | Hospital Nª Sª de Cristal - Ramón Puga Nogerol 54
  • COMPOSTELA 11h30 | Hospital Clínico Universitario - Travesa da Choupana s/n.

Máis de 600.000 persoas esperan unha intervención cirúrxica en todo o estado (unha de cada cinco, máis de seis meses), mentres que en 2008 eran 364.000 persoas, o que indica que nestes anos de recortes o número case se duplicou. Respecto da lista de espera diagnóstica, case 2 millóns de persoas están á espera da primeira consulta co especialista, cun tempo medio de espera de case 60 días.

Nestes últimos anos o “colo de botella” pasou do quirófano ao diagnóstico (primeira cita co especialista), atrasándose aínda máis a atención dos enfermos, ocorrendo que haxa persoas que falecen antes de ser diagnosticadas ou recibir tratamento.

 

Pórtico de Comunicaciones cede a acepta a totalidade das reclamacións da CNT


  • O acordo implica a retirada do ERTE presentado en 2016
  • A empresa admite tamén o fraude na contratación dun traballador que chegou a encadear 93 contratos temporais

Tras a sentenza de marzo de 2018 que obrigaba a Pórtico de Comunicaciones a retirar o ERTE presentado en 2017, despois de ter sido demostrada por parte dos servizos xurídicos da CNT a ilegalidade e falta de fundamento deste ERTE, a empresa finalmente viuse obrigada a aceptar tamén as pretensións da CNT sobre o ERTE presentado o ano anterior, 2016. A empresa admite “o carácter inxustificado do ERTE” e comprométese a “regularizar a situación laboral do traballador” afiliado á CNT, tendo polo tanto que readmitilo no seu antigo posto de traballo e aboarlle os correspondentes salarios de tramitación.

MESÓN O NOSO condenado por despedimento improcedente

 

  • A sentenza xudicial recoñece a totalidade das demandas prantexadas pola CNT
  • A CNT mantén activas varias demandas de cantidades contra a mesma empresa

Tras o peche inxustificado da empresa e o despedimento de todos os seus traballadores, a CNT presentou unha serie de demandas opoñéndose aos despedimentos dos afiliados ao sindicato e reclamando o total das débedas que a empresa mantén con eles por horas extraordinarias e diferencias de categoría.

A CNT demanda ao GASTROBAR MARTINGALA por despedimento improcedente

 

  • O despedimento prodúcese despois de que o traballador entrase en situación de baixa médica
  • A CNT presenta tamén unha demanda de cantidades por outras débedas económicas

Unha vez máis a hostalería compostelá fornece os peores exemplos de explotación laboral. Neste caso, un traballador foi despedido do Gastrobar Martingala, rexentado polo empresario José Senín Sampaio, ao verse na obriga de acollerse a unha baixa laboral tras sufrir un accidente doméstico. Segundo o sindicato, o empresario despediuno no mesmo momento no que o traballador lle comunicou a baixa, sen o preceptivo preaviso de quince días, sen xustificar de ningunha maneira o despedimento, e sen pagarlle a indemnización que lle correspondería.

CNT demanda a Pórtico de Comunicaciones por fraude na contratación temporal

  • A persoa afectada encadeou ata 93 contratos temporais.
  • A empresa non recoñece a antigüidade real do traballador.

 Tras a sentenza que declara ilegal o ERTE presentado en 2017 por Pórtico de Comunicaciones dictada no mes de marzo, a CNT volve a comezar un conflito por fraude na contratación contra a mesma empresa, neste caso a favor dunha persoa afiliada que durante a súa relación laboral coa empresa encadeou ata noventa e tres contratos temporais.

A CNT demanda ao Concello de Pontevedra

 

  • O sindicato ven de interpoñer unha demanda contra o Concello de Pontevedra por adebedarlle a un bombeiro miles de euros.

 Coma ven sendo habitual, a situación das persoas que traballan na prevención e extinción de incendios en Galiza sofren as consecuencias dunha administración deficiente e que trata de mercantilizar ao máximo aos planteis que defenden a nosa terra. Por outra parte, non hai que esquecer que o lume é un negocio e que canto máis se abaraten os costes dos recursos humanos, mellor para as empresas que forman parte do sector.

Burguer King recoñece a improcedencia do despedimento dun afiliado á CNT

A multinacional Burguer King chega a un acordo cun afiliado da CNT ao recoñecer que o seu contrato temporal era fraudulento e que o seu despedimento foi improcedente por ese motivo.

A persoa afiliada comezou a traballar para Burguer King o pasado 15 de xuño a través dunha empresa de contratación temporal, sendo incorporado ao plantel de Burguer King tres meses despois cun contrato temporal por circunstancias da producción.

O 8 de marzo, comunicouselle que o seu contrato remataba, poñendo á súa disposición unha indemnización ínfima e sen recoñecer a antigüidade real desde xuño do ano anterior.

O traballador púxose en contacto co sindicato, desde onde se interpuso unha papeleta de conciliación contra a empresa reclamándolle a improcedencia do despedimento ao existir un claro fraude de lei na contratación. Como moitas empresas, Burguer King aproveitase do descoñecemento da lexislación laboral de gran parte da poboación para realizar contratos temporais en situacións onde o contrato debe ser indefinido. Sendo un caso tan claro, Burguer King optou por recoñecer a improcedencia do despedimento e aboar unha indemnización superior ao afiliado.