Enquisa HostaleríaDigna

Xunta de Galicia

Seccion sindical da C.N.T. na Xunta de Galicia

Charlas informativas sobre os procesos de Consolidación e Estabilización na Xunta

Xunta

  • Martes 4 ás 10h en San Lázaro e ás 12h en San Caetano
  • Trataranse as novidades introducidas no borrador da OPE 2018

O vindeiro martes 4 a CNT organiza unhas charlas informativas respecto das novidades que se aveciñan na OPE 2018 para o persoal temporal da Xunta afectado polos procesos de consolidación e estabilización do emprego temporal na Xunta. Estes procesos afectan dunha ou doutra maneira a todo o persoal interino, e laboral temporal e indefinido que traballa na actualidade na Xunta.

As charlas serán este martes 4 de decembro ás 10h no salón de actos da Consellería de Sanidade en San Lázaro e, o propio martes 4 ás 12h no salón de actos pequeno en San Caetano.

Visto para sentenza o conflito colectivo da CNT pola consolidación

concentración CNT no TSXG

  • Concentración previa do persoal afectado ás portas do TSXG
  • Vergoñento silencio cómplice de CCOO, UXT e CIG

Este xoves 22 celebrouse no Tribunal Superior de Xustiza de Galicia (TSXG) en A Coruña a vista correspondente ao conflito colectivo pola consolidación que presentou CNT contra a Xunta de Galicia polos dereitos do persoal laboral temporal con antigüidade comprendida entre 1-7-1998 e 1-1-2005. Nesta reclamación colectiva reclámase que todo o persoal afectado polo proceso de consolidación comparta os mesmos dereitos independentemente da súa antigüidade.

Ao xuízo acudiu unha mostra do persoal afectado que realizou, de maneira previa, unha concentración ás portas do propio Tribunal baixo o lema "Polos dereitos do persoal temporal da Xunta de Galicia", para a continuación asistir como público á vista.

CNT pide reunión coa Dirección de AMTEGA

  • Representación de CNT pedindo reunión con AMTEGA por rexistroTéntase solucionar o conflito colectivo polo “plus de equiparación” no persoal laboral temporal informático que se xulgará o vindeiro decembro
  • Na axenda proposta para a reunión inclúese: a politíca de teletraballo e cuestións relativas á sede da AMTEGA na Cidade da Cultura

CNT presentou hoxe petición de reunión coa Dirección da Axencia para a Modernización Tecnolóxica de Galicia (AMTEGA), que agrupa a gran parte do persoal público informático da Xunta de Galicia.

O obxectivo principal é tratar de solucionar o conflito colectivo recentemente presentado por CNT por mor da NON percepción do denominado “plus de equiparación” por parte do persoal laboral temporal informático. Este conflito pretende rematar coa histórica discriminación que sofren decenas de informáticas/os que ven reducida ata un 25% a súa nómina. Trátase da última oportunidade para o dialogo antes de que o vindeiro 13 de decembro se xulgue esta cuestión no Tribunal Superior de Xustiza de Galicia.

Na axenda da reunión, CNT inclúe outros temas de actualidade na AMTEGA.

CNT presenta conflito colectivo na AMTEGA

Amtega

  • O obxectivo é rematar coa discriminación na estrutura salarial do persoal laboral temporal informático
  • O plus supón diferencias salariais de ata 750€/mes para o persoal de grupo A
  • O resultado será tamén importante para o persoal informático non integrado na AMTEGA

 

CNT ven de presentar conflito colectivo contra a Axencia para a Modernización Tecnolóxica de Galicia (AMTEGA), que agrupa a gran parte do persoal público informático da Xunta de Galicia.

O obxectivo do conflito é poñer fin á situación de discriminación que se produce a parte do persoal laboral informático por mor da NON percepción do denominado “plus de equiparación”.

Preguntas frecuentes do persoal público temporal

Para tentar aclarar as moitas dúbidas que existen a respecto dos dereitos do persoal público temporal, CNT achega a seguinte información no formato preguntas e respostas que amplía o documento informativo de CNT sobre os procesos de Consolidación e Estabilización distribuído o pasado marzo.

Recompilaronse cuestións moi preguntadas a respecto dos procesos de estabilización e consolidación (a quen afecta?, como comprobar se estou incluída?, que facer nun despido?, a quen afecta o conflito colectivo de CNT polo tramo?,....) e das reclamacións de indefinición (por qué denunciar?, pódese reclamar a condición de fixo/a?,...). 

IMPORTANTE: DANSE RESPOSTAS XENÉRICAS A PREGUNTAS XENÉRICAS. AS SITUACIÓNS PARTICULARES PODEN SER VARIADAS E NON ENCAIXAR NA RESPOSTA ESTÁNDAR.

 

** PROCESOS DE CONSOLIDACIÓN E ESTABILIZACIÓN

 

Que é o proceso de consolidación e a quen afecta?

O proceso de Consolidación, recollido no Convenio colectivo e regulado no Acordo para a ordenación e mellora do emprego público no ámbito da Administración da Xunta de Galicia do 21 de abril de 2008 está dirixido ao persoal laboral temporal (por obra) e indefinido con antigüidade anterior a 1-1-2005 pertencente á XUNTA de GALICIA. Está dividido en 2 tramos:

  • Tramo 1: antigüidade anterior ao 1-7-1998. O proceso consistirá en un concurso de méritos. O persoal atópase na actualidade equiparado a persoal fixo de convenio.
  • Tramo 2: antigüidade entre 1-7-1998 e 1-1-2005. O proceso consiste en un concurso-oposición aberto. Sendo o temario do exame adaptado ao posto de traballo ocupado.

 

Como sei se teño o dereito á consolidación?

CNT presenta conflito colectivo contra a Xunta polo dereito de consolidación

Xunta

  • A reclamación colectiva afecta á todo o persoal laboral laboral temporal con antigüidade comprendida entre 1-7-1998 e 1-1-2005
  • Reclámase que os dereitos do persoal encadrado no tramo 1 sexan de aplicación para o persoal do tramo 2 de consolidación

 

CNT vén de presentar conflito colectivo contra á Xunta de Galicia polos dereitos do persoal laboral temporal con antigüidade comprendida entre 1-7-1998 e 1-1-2005. Nesta reclamación colectiva reclámase que todo o persoal afectado polo proceso de consolidación comparta os mesmos dereitos independentemente da súa antigüidade.

O proceso de Consolidación, recollido no Convenio colectivo para o persoal laboral da Xunta de Galicia e regulado no Acordo para a ordenación e mellora do emprego público no ámbito da Administración da Xunta de Galicia do 21 de abril de 2008 está dirixido ao persoal laboral temporal (por obra) e indefinido con antigüidade anterior a 1-1-2005. Está dividido en 2 tramos:

CNT denuncia o horario de verán da Xunta

  • Cumprindo o anunciado días atrás a CNT ven de presentar demanda contra a Xunta por mor da  exclusión de persoal da aplicación do horario de verán
  • As denuncias presentadas, tanto no xulgado do social como no contencioso administrativo, pretenden garantir o dereito á aplicación do horario reducido de verán á persoal que viña desfrutando con normalidade del ata este ano, incluíndo ao persoal que exerce redución de xornada

A denuncia interponse tras a difusión dunha nota aclaratoria por parte da Xunta segundo a que o persoal con xornada reducida non desfrutará este ano da xornada de verán, así como o persoal suxeito a horarios especiais, persoal con redución de xornada e persoal a quendas.

CNT denunciará as limitacións impostas co horario de verán da Xunta

Xunta

Ante o silenzo administrativo da Xunta nos últimos días, CNT anuncia que demandará xudicialmente á Xunta por vulneración de dereitos por mor da exclusión de innumerable persoal da aplicación do horario de verán.

CNT recomenda ao persoal afectado que denuncie esta inxustiza para non permitir que á Xunta consolide o roubo definitivo do noso dereito.

Este persoal afectado sería todo aquel que viña desfrutando normalmente do horario no verán e que este ano se ve privado explicitamente de este dereito.

Tamén a todo o persoal con redución de xornada, excluído explicitamente na novidosa nota informativa, á quen resulta sangrante, inxusto e discriminatorio que non se lle aplique á porcentaxe de redución de xornada sobre á xornada ordinaria que traballa en cada momento o persoal sen redución.

Novo ataque da Xunta aos dereitos de conciliación

Xunta

A CNT espresa o seu profundo rexeitamento ante a nota informativa sobre o horario de verán que discrimina ao persoal con redución de xornada que na maioría dos casos exerce por garda legal.

 A inesperada nota limita á aplicación do horario de verán ao persoal con redución de xornada baseándose presuntamente na instrución de 20 de xuño de 2013 que nada di ao respecto.

A inxustificada e inxusta medida choca co evidente sentido común, coa maneira de aplicar á xornada de verán dos últimos anos e coa propia xurisprudencia que indican que porcentaxe de redución de xornada se aplica sobre á xornada ordinaria que traballe o persoal sen redución.

Importante novidade no emprego público temporal

  • Tribunal de Xustiza da Unión Europea (TXUE) ven de determinar as indemnizacións en caso de despedimento para o persoal público temporal
  • Para percibir a indemnización será necesario demostrar a fraude na contratación antes do cese

Todos os empregados e empregadas públicas temporais que traballan para a Administración Pública non serán indemnizados en caso de despedimento se previamente non se recoñece a fraude na contratación, é dicir se non se adquire a condición de persoal indefinido. Polo tanto, para poder cobrar indemnización de 20 días por ano en caso de despedimento é imprescindible demandar antes do cese a condición de indefinido/a.