Enquisa HostaleríaDigna

Galiza

O GES de CERVO consegue a fixeza dos seus contratos de traballo

  • Os traballadores do GES de Cervo conseguen o recoñecemento da fixeza da relación laboral 
  • Tamén conseguen o recoñecemento da categoría laboral C2

Seguindo o camiño aberto pola sección sindical da CNT no GES de A Guarda, o GES de Cervo consegue que se recoñeza o carácter fixo dos seus contratos de traballo. Contrariamente aos argumentos esgrimidos polos sindicatos de concertación en canto que en realidade non son traballadores fixos, apuntalando así as prácticas ilícitas da administración, ven de recoñecerse o dereito dos traballadores e as traballadoras do GES de Cervo a ser considerados fixos e a converter os seus contratos temporais en fixos.

CNT reclama a fixeza do persoal do Consorcio Galego de Servizos de Igualdade e Benestar.

 

  • Presentado conflito colectivo pola fixeza do persoal temporal dos centros de día
  • O sindicato estuda reclamacións similares para outros colectivos de persoal do Consorcio

 

CNT vén de presentar conflito colectivo contra o Consorcio Galego de Servizos de Igualdade e Benestar reclamando a fixeza do persoal temporal e indefinido correspondente aos centros de día no Consorcio.

O persoal afectado por esta reclamación correspóndese co persoal que cubriu inicialmente os centros de día tras superar o correspondente proceso selectivo no ano 2007.

A Confederación Nacional do Traballo (CNT) considera que a segunda Folga Xeral Feminista Internacional está resultando «todo un éxito de participación»

Debemos sinalar que pese á coincidencia co período preelectoral, esta xornada foi novamente un éxito xa so polo feito de que se puso novamente sobre as mesas – para non marchar – debates en torno ao machismo, a precariedade e a desigualdade das mulleres na nosa sociedade.

 

Na parte laboral da folga, onde a participación está sendo variada según territorios e sectores, comprobamos que nos sectores máis feminizados, como Telemárketing, a participación está a ser de ata un 50%. Obsérvanse retrasos nos transportes, unha alta participación no sector educativo e incluso na industria, un sector altamente masculinizado, vemos que oscila a participación dun 10% ata un 25%.

Aluvión de denuncias de CNT contra a Xunta

  • Decenas de laborais temporais reclaman a inclusión no proceso de Consolidación
  • CNT anuncia recurso no contencioso administrativo contra a OPE 2018
  • O persoal interino funcionario reclama a indefinición

CNT está a presentar ducias de demandas individuais contra a Xunta polo incumprimento do dereito a participar no proceso de Consolidación segundo o disposto na disposición transitoria décima do convenio.

As demandas correspóndense co persoal laboral temporal anterior a 2005 que, cumprindo o requisito de antigüidade, non ven recoñecido o dereito de consolidación por parte da administración da Xunta.

Segundo afirma CNT, «na maioría dos casos existentes o dereito está xa recoñecido por sentenza e doutrina xudicial» pero a Xunta de Galicia négase a acatar a xurisprudencia, o que "obriga" a presentar a correspondente demanda individual por cada unha das persoas afectadas.

A CNT constitúe sección sindical no Consorcio Galego de Servizos de Igualdade e Benestar

   

Consorcio Galego de Servizos de Igualdade e Benestar

A sección nace para ser unha ferramenta de loita das traballadoras e traballadores no Consorcio Galego de Servizos de Igualdade e Benestar, a través da que canalizar as demandas e reivindicacións específicas do persoal da entidade da Xunta de Galicia. O plantel afiliado ten o convencemento de que a estrutura de sección sindical é moito mais forte e eficaz que o modelo representativo, ademáis de ser verdadeiramente horizontal. Toda a afiliación ten o mesmo poder na sección, sen distincións nin xerarquías.

 Desde a sección anímase ao resto de traballadoras e traballadores tanto do Consorcio como da propia Xunta de Galicia a achegarse ás seccións sindicais da CNT, participar delas e avanzar cara unhas mellores condicións laborais en materias que repercutan tamén nunha mellor atención á cidadanía.

A CNT denuncia as prácticas ilícitas de CONSTRUCCIONES Y FONTANERÍA DEZA SL

  • A CNT demanda a contratación en fraude de lei
  • A empresa adebeda milleiros de euros aos seus traballadores

A CNT vén de demandar a CONSTRUCCIONES Y FONTANERÍA DEZA SL polas súas continuas prácticas ilícitas e contrarias aos dereitos dos traballadores. Segundo a CNT, “a empresa realiza contratos temporais sen causa e encadenados de maneira permanente para cubrir postos que en realidade son estruturais”, polo que entenden que en realidade a modalidade contratual que se debía aplicar é a indefinida.

A CNT denuncia os incumprimentos do Concello de Brión co persoal do Grupo de Emerxencias Supramunicipal

  • A CNT reclama a fixeza da relación laboral do persoal

  • Tamén se presentan varias demandas por pagar salarios inferiores aos correspondentes legalmente

  • A realización de horas extras e os incumprimentos da normativa de prevención de riscos son tamén circunstancias habituais

Para o sindicato CNT, os Concellos base dos GES deberían facerse cargo dos seus traballadores e traballadoras como “mostra de responsabilidade co servizo de emerxencias e coa cidadanía” e sinalase que nomeadamente o Concello de Brión incorre en graves irregularidades “non so ao realizar contratos eventuais para traballos de carácter permanente, senón que nin sequera conta cunha Relación de Postos de Traballo ao que adscribir ao seu persoal”.

CNT convoca formalmente folga xeral feminista para o vindeiro 8 de marzo

Este 8 de marzo a CNT volve a situarse detrás do movemento feminista estatal e convoca, tal e como figura no seu mandato, unha folga xeral de 24 horas en todos os sectores laborais. Escoitamos con atención ao movemento feminista e compartimos a súa análise, sendo conscientes da responsabilidade que como organización obreira e feminista temos no momento histórico que nos toca vivir. A folga chamará tanto a mulleres como a homes, igual que o pasado 8 de marzo de 2018.

As mulleres de clase obreira enfrentámonos día tras día a un sistema capitalista e patriarcal cuxa existencia mesma depende da opresión da muller, polo que comprendemos que esta folga non pode circunscribirse soamente ao ámbito laboral. Unímonos ao movemento feminista na esixencia de que o traballo de coidados se equipare ao traballo productivo e sexa recoñecido coma o que é: un valor social de primeira orde sen o cal a sociedade non sobreviviría.

CNT reivindica ante os grupos parlamentarios e a patronal as esixencias para o 8M

 

  • CNT Galiza comeza coas pertinentes reunións cos grupos parlamentarios, coa consellería de traballo e co CEGA para abordar a situación de precariedade laboral e violencia social que sofren as mulleres.

A Confederación Nacional do Traballo da Galiza, ao igual que o ano pasado, responde ao chamamento dos diversos colectivos feministas e convocará folga xeral de 24 horas o vindeiro 8 de marzo.

Por este motivo, a CNT solicitou reunións cos grupos parlamentarios, coa consellería e co CEGA (Confederación de Empresarios de Galicia), como requisito ineludible para legalizar a convocatoria e para poder compartir a análise da desvantaxe das mulleres con respecto ao xénero masculino no ámbito laboral, así como discutir as propostas de resolución e a mellor maneira de levalas a práctica.

A CNT constitúe sección sindical na UTE Servicios Sanitarios de la Coruña – Ambulancias María Pita

A CNT ven de constituír a súa Sección sindical na UTE Servicios Sanitarios da Coruña – Ambulancias María Pita, empresa que se dedica á fornecer os servizos de transporte sanitario non urxente da EOXI da Coruña. Esta sección nace para ser unha ferramenta de loita das traballadoras e traballadores do centro, a través da que canalizar as súas demandas e reivindicacións.